गोंय राज्य अग्नीशमन दळ अधिनेम 1986 खाला स्थापन केल्ल्या गोंय राज्य अग्नीशमन आनी आपत्कालीन सेवेचें प्रमुख हे संचालक आसतात आनी तांचे मुख्यालय आनी लॉजिस्टिक केंद्र पणजी हांगा आसा. अग्नी प्रतिबंध, अग्नी सुरक्षा,अग्नीशमन आनी बचाव हीं मुखेल उद्दिश्टां पुराय करपा वांगडाच खातें सादारणपणान संकश्टांत आशिल्ल्या लोकांक मदत करता. फाटल्या कांय वर्सां सावन अग्नी प्रतिबंध, अग्नी सुरक्षा, उजो पालोवप आनी प्रशिक्षण ह्या आपल्या वावराक लागून लोकांच्या जिवीत आनी मालमत्ता वाटोवपाक आनी ताची संरक्षण करपाक ताणें बहुआयामी भुमिका मेळयल्या. राज्यांतल्या लोकांक आनी मालमत्तेक प्रभावी उजो आनी आपत्कालीन संरक्षण दिवपा खातीर खातें विकसीत करतले. गोंय अग्नीशमन आनी आपत्कालीन सेवेची अधिकारी आनी प्रशासकीय कर्मचारी सयत  मान्यताय मेळिल्ली संख्या 1088 आसा. पणजी, वास्को, म्हापशें, पेडणें, पिळर्ण, फोंडें, कुंडय, पोरणें-गोंय, दिवचल, वाळपय, मडगांव, वेर्णा, कुडचडें आनी काणकोण अशा संबंदीत थळाव्या संस्था/नगरपालिकांच्या वसाहतींत आशिल्ल्या 14 फायर स्टेशना स्थापीत करून ती चोवीस वरां सेवा दिता.

खात्यान प्रशासकीय कामाचें तीन विभागांत विकेंद्रीकरण केलां ते म्हणल्यार: दक्षीण विभाग, केंद्रीय विभाग आनी उत्तर विभाग. दक्षीण विभाग आनी केंद्रीय विभागा खातीर विभागीय अधिकार्‍याक अनुक्रमान कार्यालय मुखेली आनी आदाकरण आनी संवितरण अधिकारी म्हूण जाहीर केलां. दक्षीण विभाग, केंद्रीय विभाग आनी उत्तर विभागाचें कार्यान्वयन नियंत्रण अनुक्रमान विभागीय अधिकारी आनी सहाय्यक विभागीय अधिकारी हांच्या नियंत्रणा खाला आसता. दक्षीण विभाग, केंद्रीय विभाग आनी उत्तर विभागाच्या अधिकारक्षेत्रां खाला आशिल्लीं फायर स्टेशन सकयल दिल्ल्या प्रमाणें आसात:-

दरेक फायर स्टेशनाचो फायर अधिकारी/प्रभारी अधिकारी मुखेली आसता. संबंदीत फायर स्टेशनाचेर ड्युटीचेर आशिल्ले अधिकारी आनी अग्नीसेवा कर्मचारी हे सैमीक आनी मानव निर्मीत आपत्तीं सयत सगळ्या प्रकारच्या अग्नी/आपत्कालीन परिस्थितीं खातीर प्रथम प्रतिसादकर्तो आसतले.

खात्याच्या प्रशासकीय आनी लेखा विभागाचे उपसंचालक (प्रशासक) / कार्यालय मुखेली आनी सहाय्यक लेखा अधिकारी / आदाकरण आनी संवितरण अधिकारी हे प्रमुख आसतात. अग्नीशमन आनी आपत्कालीन सेवा संचालनालयाचें एकंदर नियंत्रण अग्नीशमन आनी आपत्कालीन सेवा संचालनालयाच्या संचालका कडेन आसता.