श्री ताज हसन, आयपीएस, महासंचालक, उजो पालोवपी सेवा, नागरी संरक्षण आनी गृहरक्षक, गृह मंत्रालय, भारत सरकार, हांणी 29 ऑक्टोबर 2023 दिसा उजो पालोवपी आनी आपत्कालीन सेवा संचालनालय सेंट इनेज, पणजी-गोंय हांगा भेट दिली.

पावतकच ताका पणजी-गोंयच्या सेंट-इनेझ हांगाच्या उजो पालोवपी दळाच्या मुख्यालयांतल्या उजो पालोवपी दळाच्या कर्मचाऱ्यां कडल्यान गार्ड ऑफ ऑनर मेळ्ळो.श्री नितीन व्ही रायकर, संचालक, उजो पालोवपी आनी आपत्कालीन सेवा संचालनालय हांणी फुलांचे गुलदस्ता, विभागीय यादस्तीक, फायरमन रेस्क्यू मॉडेल भेटयले आनी श्री ताज हसन, आयपीएस, महासंचालक, एफएस, सीडी आनी एचजी हांकां येवकार दिलो आनी विभागीय कार्यावळींची थोडी भोव नियाळय दिली. श्री ताज हसन, आयपीएस, महासंचालक, एफएस, सीडी आनी एचजी हांणी उजो पालोवपी दळाच्या कर्मचाऱ्यांक संबोधीत केलें जंय तांणी उजो पालोवपाच्या मळार येवपी प्रवृत्तींचेर लक्ष केंद्रीत केलें आनी वीज हें उजो पालोवपाचें एक मुखेल कारण आसा आनी देखून उजो पालोवपी अधिकाऱ्यांनी नियामक नेमा प्रमाण इमारतीचें ऑडिट करचें अशें उक्तायलें.

फुडें ताणें आपदा मित्र/आपदा सखी स्वयंसेवकांचो नियाळ घेतलो जंय तांणी वेगवेगळ्या संकश्टां वेळार वापरपाक सुदारीत जिवीत वाचवपाचे तंत्र दाखयल्यात आनी भेटी वेळार प्रदर्शीत केल्ल्या वेगवेगळ्या उजो पालोवपी, आपत्कालीन आनी जिवीत वाचवपाच्या उपकरणांचोय नियाळ घेतलो. फुडें ताणें भारत सरकाराच्या गृह मंत्रालयाच्या राष्ट्रीय उजो पालोवपी सेवा महाविद्यालय नागपूरच्या प्रशिक्षीत उपअधिकाऱ्यां कडेन संवाद सादलो आनी गोंय राज्य प्रादेशिक प्रशिक्षण केंद्रांत तांच्या प्रशिक्षण कार्यावळींचो नियाळ & प्रतिसाद घेतलो.

श्री श्रीपाद जी गावास, विभागीय अधिकारी, उत्तर विभाग हांणी कार्यावळ काडली & धन्यवाद मत प्रस्तावीत केलो