उजो पालोवपी दळ आनी आपत्कालीन सेवा संचालनालयान 21 जानेवारी 2023 दिसा सांजवेळा 15:30 वरांचेर उजो पालोवपी दळ प्रादेशिक प्रशिक्षण केंद्र, सेंट इनेज, पणजी-गोंय हांगा 39 व्या वर्सुकी उभारणी दीस कार्यावळ घडोवन हाडली. ज्यांतल्यान गोंय राज्यभरांतल्या उजो पालोवपी दळाच्या 61 विद्यार्थ्यांक शिश्यवृत्ती मेळ्ळी.

श्री. उजो पालोवपी आनी आपत्कालीन सेवा संचालनालयाचे संचालक नितीन व्ही रायकर हांणी 2021-22 वर्सा खातीर शिश्यवृत्ती मेळिल्ल्या सगळ्या विद्यार्थ्यांक परबीं दिली आनी अभ्यासांत उत्कृश्ट कामगिरी करपाक आनी फुडल्या शिक्षणीक कारकिर्दी खातीर यश मेळोवपाचो सल्लो दिलो. गोंय उजो पालोवपी सेवा कल्याण निधीन आदल्या काळांत वेवसायीक म्हाविद्यालयांनी उच्च शिक्षण घेवपी गरजेवंत भुरग्यांकय अर्थीक मजत दिल्या अशें तांणी सांगलें. फुडें तांणी सांगलें की वेवस्थापन समितीन गरजेवंत आनी फावो आशिल्ल्या विद्यार्थ्यांक आनीक मजत करपाचो निर्णय घेतला आनी सरकाराच्या मान्यतायेन अर्थीक मजत दिवपाचो निर्णय घेतला.

पांडुरंग ब्रम्हेश्वर मंडळ अखाडा सेंट एस्टेवाम हांणी सादर केल्ल्या येवकार गीतान वर्सुकी उभारणी दिसा कार्यावळ सुरू जाता. श्री. उजो पालोवपी आनी आपत्कालीन सेवा संचालक नितीन व्ही रायकर हे कार्यावळी खातीर मुखेल सोयरे आशिल्ले. हेर हाजीर आशिल्ल्यां मदीं श्री राजेंद्र ए.हलडनकर, विभागीय अधिकारी, अजीत कामत, सहाय्यक. विभागीय अधिकारी, उत्तर विभाग, श्री. दीपक सावंत, मा. गोंय उजो पालोवपी सेवा कल्याण निधीचे सचीव आनी श्रीमती एस. नेहा नितीन रायकर हांणीय ह्या सुवाळ्याची सोबीतकाय केली. श्री. श्रीपाद गावास, स्टेशन फायर ऑफिसर हांणी कार्यावळ संकलित केलें आनी धन्यवाद मत प्रस्तावीत केलो.