आयज हुतात्मा दिसा भारताच्या स्वातंत्र्या खातीर आपलो जीव बळी दिवपी धाडसी दादले-बायलांक उजो पालोवपी आनी आपत्कालीन सेवा संचालनालयान काळजा थावन श्रद्धांजली दिली. तांचें धैर्य, निस्वार्थीपण आनी अखंड वचनबद्धतेन आमच्या राष्ट्राची घट बुन्याद घाली.
तांच्या गंभीर उगडासाक, उजो पालोवपी दळ आनी आपत्कालीन सेवा संचालनालयाचे संचालक श्री नितीन रायकर हांच्या फुडारपणा खाला ऑपरेशनल आनी प्रशासकीय कर्मचाऱ्यांनी वरिश्ठ उजो पालोवपी अधिकाऱ्यां वांगडा पणजेच्या उजो पालोवपी दळाच्या मुख्यालयांत दोन मिनटां मौन दवरलें.
हो मौन खीण सामुहीक आदर, कृतज्ञताय आनी राश्ट्रीय एकचार हांचे प्रतीक आशिल्लो. आमच्या हुतात्म्यांचे आदर्श आमकां देशभक्ती, शांतताय, राष्ट्राची सेवा हीं मुल्यां तिगोवन दवरपाक प्रेरीत करीत रावूं.
