| गोंय राज्य अग्नीशमन दळ प्रशिक्षण केंद्र 1984 वर्सा अग्नीशमन सेवा संचालनालय स्थापना जाल्ल्या उपरांतच अस्तित्वांत आयलें, ते मेरेन अग्नीशमन सेवा पुलिसाक संलग्न म्हणून काम करताले. प्रशिक्षणा खातीर साधन सुविधा विकसीत करपा खातीर 16,994 चौ.मी. जमीन संपादन केल्ली. सुरवेक, गोंय अग्नीशमन दळाच्या प्रशिक्षण केंद्रान थळावे सेवेची नोकरभरती करपा खातीर स म्हयन्यांचो फायरमॅन अभ्यासक्रम सुरू केलो आनी उपरांत हेर राज्य खात्याच्या अग्नीशमन दळाच्या वांटेकारां वांगडा प्रशिक्षण कार्यावळींचो विस्तार केलो. सध्या गोंय राज्य अग्नीशमन दळ प्रशिक्षण केंद्र अग्नीशमन सुरक्षा वेवस्थापनांत उद्देगीक आनी सेवेंत आशिल्ल्या कर्मचार्यांच्या विवीध श्रेणीं खातीर 17 वेगवेगळे तयार केल्ले प्रशिक्षण अभ्यासक्रम नेमान घडोवन हाडटा. भारत सरकाराच्या गृह मंत्रालयान राष्ट्रीय अग्नीशमन दळाच्या म्हाविद्यालयान कनिश्ठ अधिकारी अभ्यासक्रम उपअधिकारी अभ्यासक्रम आयोजीत करपा खातीर गोंय राज्य अग्नीशमन दळ प्रशिक्षण केंद्राची प्रादेशिक प्रशिक्षण केंद्र म्हूण निवड केल्या. |
प्रशिक्षण अभ्यासक्रमांत कांय निवासी स्वरुपाच्या अभ्यासक्रमाचो आसपाव जाता. प्रशिक्षण केंद्रांत प्रशिक्षणार्थ्यांक चोवीस वरां उपलब्ध करपाक मेळचें म्हणून हॉस्टेल तयार करपाची गरज जाणवली. हॉस्टेलाचें बांदकाम पीडब्ल्यूडीन हातांत घेतलें आनी मे 2012 वर्सा तें पुराय जालें. वट्ट बांदिल्ले क्षेत्रफळ 1,048 चौ. मीटर आसा. हॉस्टेलांत हॉस्टेल वॉर्डनाच्या रावपाच्या सुवाती सयत, 39 प्रशिक्षणार्थीं, प्रशिक्षण कार्यालय, स्टोर रूम आनी हार्ड सरफेस प्रशिक्षण क्षेत्रांचो आसपाव आसा.
सामान्य भौसांक, शाळा, ग्राम पंचायती आनी वेगवेगळ्या आप मजत गटांक अग्नीशमन सुरक्षा आनी आपत्ती वेवस्थापन हांचे विशीं प्रशिक्षण आनी जागृताय निर्माण करपा खातीर अग्नीशमन आनी आपत्कालीन सेवा संचालनालयान 21 मे 2018 दिसा हाय-टेक अग्नीशमन सुरक्षा शिक्षणीक वाहन सुरू केले. आयज मेरेन राज्यांतल्या 35423 नागरिकांक प्रशिक्षण दिलां. प्रशिक्षण उद्देशा खातीर अग्नीशमन सुरक्षा शिक्षणीक वाहनांची सकयल दिल्ली खाशेलपणां आसात:
- एलईडी स्क्रीन सयत मल्टिमीडिया एलसीडी प्रोजेक्टर, लॅपटॉप आनी ऑडियो/व्हिज्युअल प्रशिक्षणा खातीर भौशीक घोशणा यंत्रणा
- तरेकवार रोप आनी लायनीचे प्रदर्शन.
- कार्डियो पल्मोनरी रिसुसाटेशन आनी रेस्पिरेशन सपोर्ट खातीर ऑटोमेटेड मॅनेक्विन
- मूलभूत लायफ सपोर्ट कीट
- विवीध प्रकाराचे स्ट्रेचर
- अग्नीशमन प्रशिक्षक युनिट
- ऑटोमॅटीक डिटेक्शन आनी फायर अलार्म सिस्टम डेमो किट
- विवीध एलपीजी डिटेक्टर डेमो कीट
- लायव्ह स्ट्रीमिंग डीव्हीआर सयत टेलिस्कोपीक कॅमेरा
| वर्स | शाळा/शिक्षणीक संस्थाची संख्या | प्रशिक्षीत विद्यार्थ्यांची संख्या | प्रशिक्षीत नागरीक/सर्वसामान्य भौस | खासगी आनी सरकारी कार्यालयप्रशिक्षीत कर्मचारी |
|---|---|---|---|---|
| 2018 | 49 | 11666 | 455 | 455 |
| 2019 | 22 | 2790 | 75 | 931 |
| 2020 | 08 | 623 | — | 307 |
| 2021 | 09 | 336 | — | 1697 |
| 2022 | 19 | 1019 | 52 | 641 |
| 2023 | 21 | 2236 | 20 | 1232 |
| 2024 | 21 | 2375 | 50 | 1043 |
| 2025 | 26 | 3274 | — | 1176 |
| 2026 | 14 | 1701 | 155 | 1114 |
| वट्ट | 189 | 26020 | 807 | 8596 |
