सुरक्षीत गोंय 24x7 ईएमएस - Government of Goa , Directorate of Fire & Emergency

सुरक्षीत गोंय 24×7 आपत्कालीन देखरेख यंत्रणा (ईएमएस)

अग्नीशमन आनी आपत्कालीन सेवा संचालनालयाचें ध्येय म्हळ्यार गोंयच्या नागरिकांचो जिविताचो आनी मालमत्तेचो उज्याच्या विध्वंसांतल्यान बचाव करप, तशेंच हेर आपत्कालीन परिस्थितीक प्रतिसाद दिवप.

उजो लागपाच्या घडणुकांक ताकतिकेन प्रतिसाद दिवपाक संवेदनशील वाठारांत बसयिल्ले अग्नी संरक्षण उपाय म्हत्वाची भुमिका करतात. पूण हे उपाय कार्यान्वीत आनी कार्यक्षम उरतात काय ना हाचेर देखरेख दवरप ही भोवस्तरीय जापसालदारकी आसा. दरेक ऑक्युपन्सीचेर बसोवपाच्या प्रतिबंधात्मक आनी प्रतिसाद उपायांचेर खातें शिफारशी करता आनी ताबेदारान तांचे अनुपालन केल्या उपरांत, प्राथमीक ना हरकत दाखलो जारी करतात. अनुपालन सत्यापीत केल्या उपरांत निमाणो ना हरकत दाखलो दितात. संवेदनशील ऑक्युपन्सींतल्या जायत्या मालकांक आनी/वा ताबेदार बसयिल्लीं उपकरणां सांबाळपाक अपेशी थारतात आनी जेन्ना उजो लागपाची घडणूक घडटा तेन्ना म्हत्वाचीं उपकरणां काम करूंक नाशिल्ल्यान प्रतिसाद समुहाच्या कामाचेर गंभीर परिणाम जावंक शकता. ताका लागून, दरेक ऑक्युपन्सींत अग्नीशमन दळाचे उपाय थळाव्या फायर स्टेशनां कडेन आनी अग्नीशमन आनी आपत्कालीन सेवा मुख्यालयांतल्या नियंत्रण कक्षां कडेन जोडपाचो प्रस्ताव आसा. हाका लागून, खात्याच्या नियंत्रण कक्षांत स्थापीत केल्ल्या खंयच्याय अग्नी संरक्षण उपकरण कार्यरत नाशिल्ल्या संबंदीची माहिती प्रत्यक्ष वेळांत मेळोवंक शकता.