अग्नीशमन आनी आपत्कालीन सेवा संचालनालयान पणजी हांगा 1985 सावन  गोंय राज्य अग्नीशमन सेवा दळ प्रशिक्षण केंद्र स्थापन केलां, जंय सरकारी, निम-सरकारी, बँकिंग क्षेत्र, खासगी पुरस्कृत उमेदवार, उद्देग, हॉस्पिटॅलिटी उद्देग, नागरीक स्वयंसेवक आनी हेरां खातीर 15 अभ्यासक्रम नेमान आयोजीत करतात.

देशांतल्या विवीध भागांतल्या वट्ट 47,459 उमेदवारांनी पणजेच्या सांत इनेज हांगा गोंय राज्य अग्नीशमन दळ प्रशिक्षण केंद्रांत 1 दिसाचें प्रशिक्षण ते 6 म्हयन्यांचे सर्वसादारण अग्नी प्रतिबंधक आनी अग्नीशमन अभ्यासक्रमांत वांटो घेतिल्लो आसा.

हे प्रशिक्षण केंद्र, भारत सरकाराच्या गृह वेव्हार मंत्रालयाच्या सर्वसादारण नागरी संरक्षण महासंचालनालय आनी राष्ट्रीय आपत्ती प्रतिसाद दळ वरवीं प्रादेशीक प्रशिक्षण केंद्र म्हणून निवड केल्या. तशेंच कनिश्ठ अधिकार्‍याचो अभ्यासक्रम आयोजीत करपा खातीर भारत सरकाराच्या गृह मंत्रालयाच्या राष्ट्रीय अग्नीशमन सेवा म्हाविद्यालयाक मान्यताय मेळ्ळ्या. प्रशिक्षण अभ्यासक्रमांत निवासी स्वरुपाचे कांय अभ्यासक्रम आसपाविल्यान प्रशिक्षणार्थीं खातीर हॉस्टेल इमारत उपलब्ध करून दितात. हॉस्टेलांत वॉर्डनाच्या निवासा सयत 40 प्रशिक्षणार्थ्यांक रावपाक मेळटा.