उजो पालोवपी आनी आपत्कालीन सेवा संचालनालयान पणजे हांगा गोंय राज्य उजो पालोवपी दळ प्रशिक्षण केंद्र स्थापन केलां, १९८५ सावन जंय सरकारी, अर्द सरकारी, बँकींग क्षेत्र, खाजगी प्रायोजक उमेदवार, उद्देग, हॉस्पिटॅलिटी उद्देग, नागरिक स्वयंसेवक आदी खातीर १५ टेलर मेड अभ्यासक्रम सुरू आसात नेमान चलयतात.
देशांतल्या वेगवेगळ्या वाठारांतल्यान वट्ट ४७,४५९ उमेदवारांनी पणजेच्या सेंट इनेज हांगा आशिल्ल्या गोंय राज्य उजो पालोवपी दळ प्रशिक्षण केंद्रांत १ दीस प्रशिक्षण ते ६ म्हयन्यांचो श्रमीक सामान्य उजो पालोवपी आनी उजो पालोवपी अभ्यासक्रम अशा वेगवेगळ्या प्रकारच्या अभ्यासक्रमांत वांटो घेतला.
भारत सरकाराच्या गृह मंत्रालयाच्या महासंचालन नागरी संरक्षण आनी राष्ट्रीय आपत्ती प्रतिसाद दळान हें प्रशिक्षण केंद्र प्रादेशिक प्रशिक्षण केंद्र म्हणून वळखलां. तशेंच कनिश्ट अधिकाऱ्यांचो अभ्यासक्रम करपा खातीर भारत सरकाराच्या गृह मंत्रालयांतल्या राष्ट्रीय उजो पालोवपी सेवा महाविद्यालयांत ताका मान्यताय मेळ्ळ्या. प्रशिक्षण अभ्यासक्रमांत निवासी सैमाचे कांय अभ्यासक्रम आसतात, अशे तरेन प्रशिक्षीतांक वसतीघर इमारत उपलब्ध केल्या. वसतीघरांत ४० प्रशिक्षीतांक रावपाक मेळटा आनी वार्डना खातीर एक निवासी रावपाची वेवस्था आसा.
