भारताचे मानादीक प्रधानमंत्री श्री नरेंद्र मोदी हांच्या वाडदिसाच्या निमतान “सेवा संकल्प अभियान 2026 – आशीर्वाद का दिया” उपक्रमांत गोंय सरकाराच्या उजो पालोवपी आनी आपत्कालीन सेवा संचालनालयान वांटो घेतलो.

उपक्रमाचो एक भाग म्हूण 17 सप्टेंबर 2026 दिसा गोंय राज्यभरांतल्या सगळ्या उजो पालोवपी केंद्रांनी दिया उजवाडाचो सुवाळो आयोजीत केलो. मानादीक प्रधानमंत्री हांच्या वाडदिसाच्या शुभ निमतान हो उपक्रम आदर, शुभेच्छा आनी आशीर्वादाचो हावभाव म्हणून पाळ्ळो.

उजो पालोवपी आनी आपत्कालीन सेवा संचालनालयाचे संचालक डॉ.नितीन व्ही. देवान ताका आशीर्वाद दिवचो आनी देशाची आनी ताच्या लोकांची सेवा चालू दवरपाच्या प्रवासांत मार्गदर्शन करपाक मेळटलो अशी आस्त संचालकान उक्तायली.

फुडें तांणी सांगलें की “सेवा संकल्प अभियान २०२६ – आशीर्वाद का दिया” उपक्रमांत वांटो घेवप ही एक व्हड खोसाची गजाल. दियाची लायटी ही सेवा, समर्पण, एकचार आनी लोकांची सुरक्षीतताय आनी सुरक्षे कडेन आशिल्ली वचनबद्धताय हांचें प्रतीक.

तांणी फुडें सांगलें की उजो पालोवपी दळ आनी आपत्कालीन सेवा सगळ्या वेळार भौसाची सेवा आनी राखण करपाक कटिबद्ध उरता. ह्या उपक्रमांत उजो पालोवपी दळाच्या कर्मचाऱ्यांचो वांटो फकत विधीपुर्वक हावभाव न्हय, तर लोकसेवेची भावना, समर्पण आनी समाजा कडेन जापसालदारकी हांचें प्रतिबिंब आशिल्लें.

सेवा, समर्पण, एकचार आनी भौशीक सुरक्षेच्या मुल्यां कडेन आपली वचनबद्धताय परतून पुष्टी करून गोंयभरांतल्या सगल्या 16 उजो पालोवपी केंद्रांचेर उजो पालोवपी दळाच्या कर्मचाऱ्यांनी दिया लायटीची वेवस्था केली.